#218 vom 16.10.2000
Rubrik Neu erschienen
Wolfgang Ambros "Nach mir die Sintflut"
Warnung! Ambros singt Tom Waits!
(CD; GiG)
Hey Wolferl, wos is da do nua eigfoin? Glaubst, du kaunst'n Waits neich schreibm. Vielleicht host di jo a einekniat und seine Lieder g'spiat. Nua hods nix ghoifn, hosd di in den Textn g'irrt, hosd di varennt. Dea "Tom Trauberts' Blues" von dia is zum rean, fost warads da gelungan, eam zu zastean. De Stimm' mochd hoid a nimma mid. Woidsd eam nochauman ("Romeo verliert Bluat", "Gross in Kagran") und aundraseids Waits-Liada zähmen ("Verliab di ned", "Samstag nacht"). De Gschichtln passn ned zu dia und dei Rhythmus is a gaunz aundas. I jedenfois glaub da des ois ned, wos du do singsd. Obgsegn davon, dass'd a foische Stimmung aufbaut hosd. Dei Arranschör, des kummt no dazua, da Kolonovits, wea eam kennt, vaklebt hoid leida de gaunzn schenan Liadln mit picksiasse Streicha oda is afoch kreizbrav. Glottrasiert, wia ma so schee sogd. Wos kummt ois nächstes? Ambros singt Hiatt? Springsteen? Petty? Reed? Costello? Oder, schlimm gnua: Ambros singt Ambros? I wü's goa ned so genau wiss'n. [mh: @]
@@@@@ - potentieller Meilenstein: Starlight
@@@@ - definitives Highlight: Highlight
@@@ - erfreuliche Delikatesse: Delight
@@ - solides Handwerk: Solidlight
@ - verzichtbarer Ausschuss: Nolight
Permalink: http://schallplattenmann.de/a105973